O mundo dos animais

A actividade consistiu na lectura dun fragmento do libro O mundo dos animais de Desmond Morris. Cada clubeir@ escolleu ao chou un animal para ler individualmente os seus costumes e características máis relevantes. Logo cada alumn@ representou con xestos e mímica as principias características do animal que lle tocara; e @s compañeir@s trataban de adiviñar cal era.

As palabras de chocolate

A través da parodia de O gran ditador, mergullámonos na tráxica etapa histórica do nazismo alemán. Aprendemos, grazas ao gran Charlie Chaplin, dos erros do pasado.
Despois de visionar a película, fixemos un coloquio e, para escorrentar o frío, conversamos ao redor dunhas cuncas de chocolate con churros.

Achegámonos ao teatro

“O Moucho Azul” inaugurouse, desinhibidamente, coa sesión “A chorar que hai que rir”, lectura dramatizada de Os vellos non deben de namorarse de Castelao.

@s nos@s clubeir@s continuarán a lectura da obra teatral na casa para logo compartir comentarios e opinións relacionados co libro do rianxeiro.